Ngā rauemi kore utu

Ngā rauemi ako

He maha ngā rauemi kua waihangatia e te tarahiti mātauranga o Kia Ata Mai mā ngā kaiako, mā ngā tamariki, mā wai ake. Ko ngā rauemi pēnei i ngā pukapuka, i ngā kōpaepae, i ngā kohinga rauemi (puka, kōpaepae, kāri…). Ko te manako ia ka whai hua ngā rauemi nei ki a koutou ko ngā ākonga, ko ngā kaiako me ngā whānau hoki.

Ngā pukapuka mā te ākonga e ako ana ki te pānui

He huhua ngā pukapuka utukore hei rauemi mā ngā kura reo Māori. Ki te hiahiatia tonoa ki Down the Back of the Chair.

Hono atu ki te paetukutuku o Down the Back of the Chair
Patohia Ngā Kete Kōrero ki te wāhi rapu o te paetukutuku kia puta mai he rārangi pukapuka nā Kia Ata Mai i waihanga.
Tirohia te rārangi pukapuka e whai ake nei;


Te HuiHe Aha Hei Kai Mā PēpiHe Roa, He Roa Ake Rānei
Te PōwhiriNgā Kete Kei Whea Koe E Mā E?
Te HongiKanohi MāheniheniNgā Tāonga Ki Ahau
Te WaeroaHe Haunga He Karaka Rānei?Te Peita Pikitia
Hui E Taiki ETe Neke WhareTe Whakamau a Erena
E Hiki, Nō Wai Tēnei?Te PūkekoTe Whakamau a Tāmoko
Kotahi te WhioreTe PukapukaNgā Ringawera
Kei te hapū a MāmaTe AwhiawhiTe Hanga Poraka
Te PongaTe TakaroNgā Kāre ā Roto
Kōrero MāoriTe RaumatiNgā Tāonga
Te NgahuruTe KōangaTe Nohoanga
Ngā Tangi o te PōTe MakaririNgā Manu Waiata ā Tane
Te HāngiI te PōTe Kohi Anga
Ehara!Ngā KaihoeTaku Pāpa
Te Whakareri mō te Poiuka


Hopukina!

Ko Hopukina! tētahi huarahi hei kapo i te reo ā-waha o ngā ākonga kua eke ki ngā taumata 2 ki te 5 o Te Marautanga o Aotearoa.

I waihangatia , i whakamātauhia te rauemi nei e ngā kaiako i uru atu ai ki te hōtaka reo matatini o Ngā Taumata ki Hopuhopu i ngā tau 2004 tae noa atu ki te tau 2009. I pupū ake ai te ingoa Hopukina! i raro i te korowai o te whare mātauranga o Hopuhopu.

Ki te hiahia ki te rauemi nei whakapā atu ki a Down the Back of the Chair


Ka whakatārewahia e Kia Ata Mai he hōtaka ako ā- ipurangi i tēnei tau 2016 – Tāria ngā taipitopito kōrero.

He Mātai Āta Titiro Ki Te Tūtukitanga Mātātupu Pānui, Tuhi – Pukapuka Matua
The Māori Reconstruction of An Observation Survey of Early Literacy Achievement by Marie Clay

He kohinga rauemi tēnei ka whai i tētahi pūnaha hei āta mātai i ngā akoranga reo matatini o ngā tamariki tau tuarua i ngā akomanga reo Māori.

Kua whakahouhouhia atu tā Marie Clay An Observation Survey of Early Literacy Achievement, ehara i te mea he whakamāoritanga noa. Koinā te take i whakarerekēhia ai ētahi wāhanga kia tika te hāngai atu ki te reo Māori.

Kua tāngia ki te pukapuka nei ētahi whakaaro me ētahi kōrero e pā ana ki te whakahāngaitanga o te aromatawai mātai nei ki te horopaki Māori, ko ngā  whakamāramatanga hoki o ngā ariā o te pūnaha mātai, ka mutu, ko ngā whakapākehātanga o ngā tohutohu, o ngā whakahaeretanga, o ngā kautetanga anō hoki.

Me mahi ngātahi ki ēnei rauemi;

Te Mātai Mātātupu – Pukapuka Tohutohu Mō Ngā Whakamātautau
Ko te pukapuka tohutohu tēnei kua tuhia katoatia ki te reo Māori. Koinei te puka hei ārahi i te kaiako ki te taha whakahaere me te tātai i ngā aromatawai kei te reo Māori.

Kirikiri and Pōhatu – By Marie Clay
Ko ngā pukapuka ēnei hei tautoko i te aromatawai Ngā Tikanga o te tuhi Kōrero.

Ki te hiahia ki te rauemi nei whakapā atu ki a Kia Ata Mai mā te īmēra admin@kiaatamai.org