Iwi:
Ngāti Ranginui, Ngāi Te Rangi, Ngāti Pukenga.
Tunga:
He Kaiwhakangungu Mātauranga Māori.
Aronga:
Te Reo Matatini, Aromatawai, Te Marautanga o Aotearoa, Reoruatanga.
Tirohanga Whanui o Te Kaupapa Ako Whakapakari:
- Te whakahaere i ngā whakangungu ngaiotanga ki rō kura e pā ana ki ngā kaupapa o Te Reo Matatini (Pānui, Tuhituhi me te Kōrero), te Aromatawai me Te Marautanga o Aotearoa, ā, ka tautoko anō hoki i ngā kaupapa me ngā āhuatanga ā rohe, ā motu e hāngai pū ana ki ngā horopaki mātauranga Māori.
- He pouārahi i roto i a Kia Ata Mai Educational Trust e kaha tautoko ana i ngā kaimahi o te rōpū nei, mā te tauira atu i ētahi āhuatanga e pā ana ki te whakarite, te whakahaere, te whakatika, te kimi rauemi tautoko me te whakatau raru ki ngā kaimahi i roto i te rōpū o Kia Ata Mai.
- Ko te whakarite pūnaha kia toitū ngā āhuatanga whakangungu o te kaupapa Te Reo Matatini ki tōna taumata ikeike.
- Ko te whakamahi i te Hurihanga Pakirēhua ki te tautohu i te pānga o ngā mahi ako ki ngā putanga ako a ngā ākonga.
- Ko te whakawhanaunga atu ki ngā kaiamahi o te kura, ā, ka ū tonu ki ngā uarā, arā, ko te pono, te tika me te aroha i roto i ngā mahi whakangungu ngaoitanga katoa.
- Ko te kawe i ngā kaupapa katoa i roto i te reo Māori, reo Pākeha anō hoki.
- I whakahaerehia ngā hui Aronga Whakatau ki ngā hui ā rohe i ngā tau 2014, 2015.
- I whakahaerehia ngā hui whakangungu ā rohe mo te rauemi a Hopukina! (Oral Language assessment tool).
- Te whakahaere i ētahi hui whakangungu kaimahi i ngā wānanga o Kia Ata Mai Educational Trust e pā ana ki ngā kaupapa huhua o Te Reo Matatini, Aromatawai, Matihiko.
- Te whakahaere hui whakangungu mā te whakamahi me te tūhura i te ako matihiko e taea ana e ia kura.
- He āta mātaki me te whakahoki kōrero hei whakaarotanga, hei wero i te hinengaro kia piki ake ngā āheinga ngaiotanga a tēnā kaiako, ā tēna kaiako.
- Ko te tautoko i ngā kura ki te whakarite me te whakawhanake i ngā hōtaka hei tautoko i ngā ākonga e mahi ana i ngā taumata Manawa Taki, Manawa Āki hoki.
- Ko te whakarite whakangaiaotanga kaiako hei āta tautoko i ngā Pia (Provisionally Certificated Teahers) i tā rātou huarahi ki te umanga kaiako.
- Ko te whakahaere hui ā whānau e pā ana ki ngā āhuatanga o Ngā Whanaketanga Rumaki Māori.
- Ko te āta whakarite i ngā mahi me ngā rauemi whakangungu e pā ana ki ngā kaupapa o Te Reo Matatini me te Aromatawai hei tautoko kaiako, kaimahi rānei.
- Ko te whakamahi i ngā mātāpono e whārikihia ana i te Rukuhia Rārangahia (Ministry of Education Position Paper (2014)) ki roto i ngā mahi whakangungu ngaiotanga kaiako.
- I noho ahau hei kaitohu i ngā taumata pānui ki te rōpū o Learning Media.
- He mema o te rōpū i whakamātau i a Te Waharoa Ararau a Kura, ā Motu hoki. (Ministry of Education National online database for Māori medium context).
- Tētahi kaimahi i whakarite i ngā taumata me ngā whakamāramatanga mō ngā āhuatanga e hāngai ana ki ngā ngā taumata Manawa o roto i a Te Waharoa Ararau ā Kura, ā Motu hoki.
- He kaimahi e whakataurite ana i te rauemi a e-AsTTle Pānui ki ngā taumata o Te Marautanga o Aotearoa.
- He kairangahau e tiro whāiti ana ki te anga o te rauemi a Ngā Kete Kōrero mō ngā taumata Pānui i roto i ngā horopaki Māori.
- He kairangahau e whanake ana i ngā tūkanga aromatawai e tāutu ana i ngā āhuatanga o te kaiako mātau.
- Te whakahaere whakangungu ngaiotanga kaiako mā te huarahi o te ao matihiko.