Darielle Bell

kam-daz-bellIwi:

Ngāti Maniapoto, Te Whakatōhea.

Tūnga:

He Kaiwhakangungu Mātauranga Māori.

Aronga:

Mauri Tau, Mauri Oho, Mātauranga Matihiko, Hōtaka Whakawhanake Ākonga (PFS).

Tirohanga Whanui o Te Kaupapa Ako Whakapakari:

Ko ōku pūkenga ngaio mō te ako me te whakapakari hoki e pā ana ki te kounga o te whakaako. Mā te kōrero, ka mōhio, mā te mōhio, ka ako, mā te ako, ka whakaako.

He pūkenga whakaako, he pūkenga reo rangatira, he pūkenga hauora. Ahakoa he iti, he pitomata. Ko te ako me te whakaako ētahi pūkenga ōku. E whitu ngā tau i noho ahau hei kaiako i tētahi akomanga reo rua ki Te Papaioea. Nā wai, nā wai i puta ahau i te akomanga hei ringa ueke mō Kia Ata Mai Educational Trust. He kaiārahi Mauri Oho ahau i tēnei wā. I noho hoki ahau hei kaiārahi mō te Ako Matihiko i ngā kura kaupapa Māori, ngā akomanga reo rua, me ētahi o ngā kura ā-iwi hoki. He akoranga nui i roto i ngā kura, i ngā momo iwi hoki puta noa i te motu mō tēnei kaupapa.

Ko te hauora me te hākinakina ētahi atu pūmanawatanga ōku. He oranga tō te hauora, te wai ora, te mauri ora, te kai ora, otirā, ko te whānau ora. Mauri Tū, Mauri Ora, Mauri Tau, Mauri Oho.