Puti Gardiner

kam-puti-gardinerIwi:

Ngai Te Rangi, Ngāti Ranginui, Ngāti Pukenga.

Tūnga:

He Kaiwhakangungu Mātauranga Māori.

Aronga:

Te Reo Matatini, Te Marautanga o Aotearoa, Pūtaiao, Te Marautanga a Iwi, Te Reo Māori, Kohinga Raraunga, Aromatawai, Ngā Tikanga Ahurea, Ngā Tikanga Tumuaki me Ngā Tikanga Whakahaere, Te Aho Matua, Reoruatanga, Pūtaiao.

Tirohanga Whanui o Te Kaupapa Ako Whakapakari:

PŪTAIAO

‘He tamariki wāwāhi tahā’

● Kia whakahaere ngā wānanga pūtaiao kia whakarata te kaiako. Nā te ruku hōhonu i te mahi rawekeweke, kua tupu te manawa reka tā te kaiako ki ngā painga o te mahi pūtaiao.
● Kia whakakaha ake te maramatanga tā te kaiako ki te marau pūtaiao. Kua tūtuki tēna whāinga, mā te āta wetewete i ngā mahere whakako pūtaiao, ngā matapono mo ngā whenu me te pūtake o ia te whenu.
● Kia tukuna ki te hunga kaiako ngā momo rangahau e pā ana ki tēnei me te pūtaiao kei rō kura me ngā tirohanga rereke. Mā te āta wananga me te whakawhiti korero whakaaro rānei, kua whakahua ō rātou ake whakaaro mō te mātauranga māori me te mahi akoako pūtaiao.
● Kia āta matakitaki au,i ā rātou mahi whakaako pūtaiao i te akomanga. Kātahi ka kōrerotia mō ngā kitenga hei huarahi whakawhanake pukenga akoako pūtaiao.
● Kia tautokohia tā te tūmuaki mahi whakariterite mahere pūtaiao mo te tau, e ai ki te tūtohinga-a-kura, te marau a kura, me nga mahere rautaki, ngā mahere a marau, ngā mahere aromatawai hoki.
● Kia mahitahi mātou katoa ngā kaiwhakangungu pouako kei raro i te whakaaro tahi, kia ora ai te mahi akoako ā te kaiako ahakoa te aha.
● Kia hono hoki ki ngā momo taputapu hangarau whakaaturanga pēra i te Google Hangouts, me ngā pāe pāpāho hāpori.

TE REO MATATINI

‘He āo te rangi ka ūhia mā te huruhuru ka rere te manu’

● I roto i ngā mahi whakangungu, ko tāku, he āta tautoko i ngā kaiako ki te whakapakari i ngā āhuatanga whakarite mahi whakaako e hāngai pū ana ki ngā matea ā ngā ākonga.
● Ko te rahi o ngā mātāpuna taunakitanga te tūāpapa o ngā whakaritenga hōtaka ako, ā, e kite whānuitia ana i ngā hononga ki ngā rauemi reo matatini.
● I whakatipu, kia puawai te whanaungatanga ki waenga i a mātou ko ngā kaiako me ngā tūmuaki, kia harikoa rātou ki te mahi whakangungu.
● I whakarite au, kia hui tahi ai mātou, kanohi ki te kanohi ki te wānanga i te kaupapa whakaako Te Reo Matatini me ngā mōmo take motuhake mo te reo.
● Nā te mahitahi, he māma ake te huarahi kei mua. Nā te whakaaro nui ā tēna, ā tēna i tutuki pai te whainga, kia whakakotahi ai ngā whakaaro matua hei huarahi whakangungu.
● Ko te pakirehua te huarahi e tika ana kia tatutoko te kaiako i roto ana mahi whakangungu whakaako.
● Mā te whāngai atu o ngā momo rauemi, ngā momo rangahau, me ngā momo rautaki kua kitea te kaiako te huarahi kei mua kia ora ai te mahi whakaako i te Reo Matatini.

TE MARAUTANGA O AOTEAROA

‘Ruia taitea kia tū ko taikaka anake’

● Ko te mahitahi ki te tūmuaki me ngā kaiarahi matua o te kura te timatanga. Katahi ka whakarite te hui tuatahi ki ngā kaiako katoa o te kura.
● Kua puta kē mai ngā korero ā te whānau, rātou ko te hapū, te pōari matua, ngā tamariki me ngā kaiako e pā ana ki tā rātou marautanga ā-kura me te Āhuatanga o te Ākonga ka Puta (GP).
● He iwi, he hapu motuhake e whai mana ana ki tāua takiwā, engari ko te nuinga o ngā tamariki o te kura, nō ngā hau e whā. Nā reira kei kō, ngā ruma reo rua. Ko tētahi he rūma reo Māori me te reo Pākehā. Ko tētahi atu, he rūma reo Hāmoa me te reo Pākehā. Ko te reo matua o ēra atu o ngā rūma, he reo Pākehā anake.
● Kua kitea e rātou, mā te āta wetewete i te kaupapa e hangai ana ki te Ākonga ka Puta kua rereke te horopaki, ngā matapono me ngā tūmanako, ā ngā tamariki.
Na rēira, i hoki ki te timatanga o te mahi, kia kite rātou me pēhea te haere. Nā te āta wetewete kia taikākā te whakaaro kua puta te whakatau. Kua whakahautanga te tirohanga ki te Ākonga ka Puta.