Robyn Hata-Gage

kam-robyn-hataHe Pepeha:

Ko Mātiti me Mākeo ngā maunga.
Ko Waioweka me Waiaua ngā awa.
Ko Ōpeke me Ōmarumutu ngā marae.
Ko Ngāti Ira me Ngāti Rua ngā hapū.
Ko Te Whakatōhea te iwi.
Ko Nukutere me Mataatua ngā waka.
Ko Muriwai te tīpuna.

Tūnga:

Ko tētahi o ngā kaitiaki o Kia Ata Mai.
He Kaiwhakangungu Mātauranga Māori.

Aronga:

Te Reo Matatini, Te Marautanga o Aotearoa, Aromatawai, Rukuhia Rarangahia, Te Ara Arotake, Kohinga Raraunga me te Tātari.

Tirohanga Whanui o Te Kaupapa Ako Whakapakari:

Anei ētahi o aku mahi whakangungu i roto i ngā tau:

  • He tuku i ngā kaupapa whakangungu/whakangaio whai kounga, arā, ko te reo matatini, te aromatawai, te marautanga o Aotearoa e tautoko ai i ngā kura Māori ā-rohe, ā-motu anō hoki.
  • Ko taku kaupapa matua ko te tautoko i ngā kaupapa mātauranga Māori, ko te whakawhanake i te ngaiotanga o ngā hoamahi i roto i ngā tūāhuatanga whakangungu arā, te whakamāherehere, te whakahaeretanga, te kimi rauemi, me te tuku purongo.
  • He tuku Awheawhe ā Motu mō te Whakatau Aronga ki ngā Kura Māori. (MM)
  • He tuku Awheawhe ā Rohe mō Hopukina! (Aromatawai Reo a Waha).
  • He tuku Awheawhe ā Rohe ki ngā Wānanga ā Tau o Kia Ata Mai Educational Trust.
  • He tuku Awheawhe ā Rohe, ā Motu hoki ki ngā wānanga o Ngā Kura a Iwi.
  • He tuku wānanga ataata ā-matihiko, whakapā ā-waea, ā-īmera ki ngā kura me ngā kāhui kaiako.
  • He mātakitaki, he whakahoki aromihi ki ngā kaiako kia pakari ake ai te ngaiotanga o te whakaako.
  • I whai wāhi atu i te tīma whakawhanake mō Te Waharoa Ararau ā-kura, Te Waharoa Ararau ā-Motu hoki, ko te putanga raraunga ā-ipurangi tēnei mō ngā kura Māori.
  • He tautāwhi/tautoko i ngā kura ki te whakarite hōtaka mā ngā ākonga kei ngā taumata Manawa Āki, Manawa Taki hoki.
  • He tuku/whakahaere i ngā huihuinga tuku pārongo ki te whānau me te hāpori mō Ngā Whanaketanga Rumaki Māori.
  • He kairangahau, he kaiarotake i te anga whakahoutanga mō Ngā Kete Kōrero i ngā kura Māori.
  • He kaihapai i nga tumuaki o Ngā Kura ā-iwi o Aotearoa.
  • He whakangungu i ngā tumuaki me ngā pouārahi ki ngā rauemi aromatawai reo ā waha i roto i ngā Kura ā Iwi.